أول ما ترشيه، هتشمي ريحة ورد ناعم وأنثوي جداً، نقي ورقيق، كأنه بوكيه ورد لسه طازة، معاهم لمسة من زهرة الجاردينيا الحلوة اللي بتدي دفء أنثوي.
القلب فيه دفء وردي مميز، الياسمين واضح جداً، وبيخليه ناعم وأنثوي بزيادة. زهر البرتقال والكلمنتينا بيضيفوا حلاوة رقيقة شبه النسمة الدافية.
ريحة أنثوية جداً، ناعمة، كلاسيك وراقية.
بتحسي كأنك لابسة فستان أبيض بسيط وأنيق، وماشية في شارع عليه شجر ورد.
رومانسية، بريئة، وشيك في نفس الوقت.
مناسبة جداً للبنت أو الست اللي بتحب تبان هادية وأنثوية، بس واثقة من نفسها.
الوقت الأنسب: الصبح – أو خروجات رومانسية – أو مقابلات رسمية هادية
